Qaraǵandy oblysynda bir táýlikte 77 adam indet juqtyrdy
QARAǴANDY. QazAqparat - Qaraǵandy oblysynda koronavırýs ınfektsııasyn juqtyrýdyń 77 jaǵdaıy tirkeldi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap.
PTR dıagnostıkalyq zertteý nátıjesi boıynsha 77 adamnan COVID-19 vırýsy tabyldy. Tirkelgen jaǵdaılar skrınıng barysynda jáne jaqyn baılanysta bolǵandardy tekserý nátıjesinde anyqtaldy.
Qaraǵandy qalasynda – 48, Temirtaý - 4, Saran - 3, Jezqazǵan - 2, Balqash - 4, Qarajal - 1, Abaı aýdanynda - 2, Buqar jyraý aýdanynda - 8, Shet aýdanynda 5 adamnan indet tabyldy.
Barlyǵy juqpaly aýrýlar statsıonaryna jatqyzyldy.
Qazirgi ýaqytta naýqastardyń jaǵdaıy qanaǵattanarlyq, em alyp jatyr.
Oshaqtarda dezınfektsııalyq sharalar júrgizildi.
12 maýsymdaǵy ahýal boıynsha oblysta 1419 juqtyrý jaǵdaıy anyqtaldy, onyń ishinde 7 adam qaıtys bolǵan. 630 patsıent jazylyp shyqty.
