Qaraǵandy oblysynda bir kúnde 900-ge jýyq jol erejesin buzý faktisi tirkeldi
QARAǴANDY. QazAqparat – Qaraǵandy oblysynda bir kúnde 858 jol qozǵalysy erejesin buzý faktisi tirkeldi. Tártip saqshylary olardy «Qaýipsiz jol» jedel aldyn alý sharasy aıasynda anyqtady, dep habarlaıdy QazAqparat tilshisi.
8-17 qarasha aralyǵynda Qaraǵandy oblysynda «Qaýipsiz jol» jedel aldyn alý is-sharasy ótýde. Іs-sharanyń maqsaty – jol-kólik oqıǵalaryn azaıtý jáne jol qozǵalysy erejelerin óreskel buzýshylyqtardy anyqtaý.
«Jedel aldyn alý is-sharasynyń alǵashqy kúni polıtsııa qyzmetkerleri 858 jol erejesin buzýdyń jolyn kesti. Qaýipsizdik beldikterin paıdalaný erejelerin buzǵany úshin 76 júrgizýshi, telefondy paıdalanǵany úshin – 40, mas kúıinde kólik quralyn basqarǵany úshin – 6 júrgizýshi ákimshilik jaýapkershilikke tartyldy. Jaıaý júrginshiler tarapynan 87 buzýshylyqqa jol berilgen», - dep habarlady Qaraǵandy oblysynyń PD.
Sonymen qatar, polıtseıler profılaktıkalyq maqsatta 333 jadynama men býklet taratty, avtojoldardyń 246 shaqyrym avarııalyq-qaýipti ýchaskelerin tekserdi.
