Qaraǵandy oblysynda bir aptadan beri dalany jaılaǵan órt aýyzdyqtaldy
QARAǴANDY. QazAqparat – Qaraǵandy oblysynda 8 shilde kúni 50 gektardan astam jerdi alyp jatqan dala órtterin sanamaǵanda, basqa usaq órt oshaqtary joıyldy. Úlken alańdarda 5 tabıǵı órt oshaǵy baqylaýda, dep habarlaıdy QazAqparat tilshisi.
Qaraǵandy oblysynda tabıǵı órtterdiń jaǵdaıy turaqtandy. 8 shildedegi jaǵdaı boıynsha bes oshaq baqylaýda qalyp otyr.
Barlyq usaq dala órtteri joıyldy. Ulytaý aýdanynda, Jangeldi, Aqtas, Sheńber jáne Amangeldi aýyldyq okrýgteriniń aýmaǵynda iri oshaqtar oqshaýlandy.
Jalyndy sóndirý jumysy jalǵasyp jatyr.
Sondaı-aq, Aqtoǵaı aýdanynyń Ortaderesin aýyldyq okrýginiń aýmaǵynda bolǵan órt aýyzdyqtaldy.
Esterińizge sala keteıik, Qaraǵandy oblysynyń Ulytaý aýdanynda 1 shildede birneshe dala órti tirkelgen bolatyn.
Keıinnen aýdannyń úsh aýyldyq okrýginde tótenshe jaǵdaı jarııalandy. Órtten bir adam qaza tapty.
Jalpy Qaraǵandy oblysynda dala órtin sóndirýge 1 myńǵa jýyq adam jumyldyryldy.
