Qaraǵandy oblysynda bilim salasyna arnalǵan ataýly kúnder kúntizbesi ázirlendi
QARAǴANDY. QazAqparat – 2022 jylǵa arnalǵan ataýly kúnder kúntizbesin Qaraǵandy oblysynyń bilim basqarmasy jáne oqý-ádisteme ortalyǵy daıyndady, dep habarlaıdy QazAqparat tilshisi.
Kúntizbe tek muǵalimderge ǵana emes, sonymen qatar qosymsha bilim beretin muǵalimderge, kolledj oqytýshylaryna, balabaqsha tárbıeshileri men kitaphanashylarǵa jumys isteýge kómektesetin aqparattyq-ádistemelik materıal túrinde usynylǵan.
Ol úsh bólimnen turady: Qazaqstan Respýblıkasyndaǵy merekeler, 2022 jyldyń ataýly jáne estelik kúnderi, tárbıe jumysyn uıymdastyrý jónindegi ádistemelik materıaldar.
«Oblystyq bilim basqarmasynyń tapsyrmasy boıynsha oqý-ádistemelik ortalyǵynyń ádiskerleri 2022 jylǵa arnalǵan ataýly jáne estelik kúnderdiń kúntizbesin jasady. Biz ony bilim berý uıymdarynda, sondaı-aq ata-analar qaýymdastyǵynda balalarmen áńgimelesý, mektep is-sharalaryna qatysý, otbasylyq oqýdy uıymdastyrý úshin paıdalanýdy usynamyz», – dep atap ótti oqý-ádisteme ortalyǵynyń dırektory Baqytkúl Ábdikerova.
Kúntizbege oqytýdy uıymdastyrý erekshelikterin, bilim alýshylardyń jasyn, suranystary men múddelerin eskere otyryp, ózgerister, tolyqtyrýlar men túzetýler engizilýi múmkin.
