Qaraǵandy oblysynda bes brakoner ustaldy
QARAǴANDY. QazAqparat - Tabıǵatty qorǵaý polıtsııasy Qaraǵandy oblysy Balqash qalasynyń bes turǵynyn ustady. Olardyń avtokóliginen quqyq qorǵaý organdarynyń qyzmetkerleri shamamen 4 qap janýar etin tapty, dep habarlaıdy QazAqparat tilshisi.
Aǵymdaǵy jyldyń 6 qazanynda «Brakoner» jedel aldyn alý is-sharasy aıasynda Aqtoǵaı aýdanynyń aýmaǵynda tabıǵat qorǵaý zańnamasyn buzýshylyqtardy anyqtaý jáne jolyn kesýge baǵyttalǵan is-sharalar ótkizý kezinde Qyzylaraı aýylynan 25 shaqyrym jerde Qaraqoıtas qystaǵyna jaqyn jerde oblystyń tabıǵat qorǵaý polıtsııasy qyzmetkerlerimen 36 jastaǵy júrgizýshi men 51 jastaǵy júrgizýshi basqarýyndaǵy 2 avtokólik, sondaı-aq úsh jolaýshy toqtatyldy. Olardyń barlyǵy Balqash qalasynyń turǵyndary ekeni anyqtalǵan.
«Vızýaldy tekserý kezinde eki avtomashınadan polıtsııa qyzmetkerleri 4 qapqa salynǵan arqar nemese buǵy janýarynyń etin tapty, atalǵan etti tasymaldaýǵa nemese satyp alýǵa qandaı da bir ruqsat qujaty bolmaǵan. Oqıǵa ornyna jedel-tergeý toby shaqyryldy», - dep habarlady Qaraǵandy oblysy PD baspasóz qyzmeti.
Jedel-tergeý tobynyń qyzmetkerleri tekserý barysynda oqıǵa ornyn taýyp, tegis uńǵyly jáne oıyq qarýlardy tapty.
Atalǵan derek boıynsha QR QK-niń 337-babynyń 4-bóligimen qylmystyq is qozǵaldy. Tıisti saraptamalar taǵaıyndalyp, tergeý júrgizilýde.
