Qaraǵandy oblysynda bes adamǵa oq atqan kúdikti tutqyndaldy
QARAǴANDY. QazAqparat - Qaraǵandy oblysynda sot Temirtaýda bes adamǵa oq atqan kúdiktini tutqyndady, dep habarlaıdy QazAqparat tilshisi.
"Kúdikti dep tanylǵan Temirtaý qalasynyń 20 jasar turǵynynyń isi boıynsha tutqynǵa alýǵa sanktsııa shyǵaryldy, - dep habarlady Temirtaý qalasy sotynyń baspasóz qyzmeti.
Kúdikti sot sanktsııasymen eki aıǵa qamaýǵa alyndy.
Eske sala keteıik, 10 mamyr kúni Qaraǵandy oblysynyń Temirtaý qalasynda atys saldarynan 18 ben 25 jas aralyǵyndaǵy 5 jas jigit aýrýhanaǵa jetkizilgen. Qalanyń 20 jasar turǵyny jigittermen sózge kelip qalǵandyqtan, oq atqanyn moıyndady. Atalmysh fakti boıynsha, QR QK "Adam óltirýge oqtalý" baby boıynsha sotqa deıin tergeý bastalyp ketti.
Aıta keteıik, Temirtaý qalasynda bes adamǵa oq atty degen kúdikpen 20 jastaǵy jigit ustalǵan bolatyn. Buǵan deıin dárigerler atystan japa shekken azamattardyń hal-jaıy týraly habarlaǵan.
