Qaraǵandy oblysynda benzın tapshylyǵy baıqalýda

QARAǴANDY. QazAqparat - Qaraǵandy oblysynyń birneshe qalasy men aýdandarynda mereke kúnderine qajetti janar-jaǵarmaı qorymen qamtamasyz etý máselesinde jergilikti sheneýnikterdiń salǵyrttyǵynan benzın tapshylyǵy baıqalýda, dep habarlaıdy «QazAqparat» HAA tilshisi.

Jezqazǵan ákimine jasandy túrde benzın tapshylyǵy týyndaǵany úshin eskertý berildi. Apparat otyrysynda aıtylǵanyndaı, oblys qalalaryndaǵy avtokólik ıeleri tipti talonmen de benzın ala almaı jatyr.

«Talonǵa da benzın berilmeı jatyr. Bir júrgizýshige tek 20 lıtr berip jatyrmyz», -  deıdi Jezqazǵan qalasynyń ákimi Batyrlan Ahmetov oblys ákimdiginiń apparattyq otyrysynda.

Qala basshysy on kúnge jeterlik benzın qalǵanyn aıtty. Qaraǵandy oblysy ákiminiń orynbasary Almas Aıdarov janarmaı tapshylyǵy Jezqazǵan, Sátpaev jáne Ulytaýdyń jaýapty tulǵalary janar-jaǵarmaı materıaldarynyń qajetti qory boıynsha ótinishterdi aldyn ala bermegendikten týyndady degendi alǵa tartady.

«Atyraý men Pavlodardaǵy munaı óńdeý zaýyttary josparǵa saı jóndelýde. Qaraǵandydaǵy munaı qorlarynda zapas jetkilikti, biraq birneshe kúnge sozylǵan mereke kúnderine Jezqazǵan, Sátpaev jáne Ulytaý sııaqty shalǵaıdaǵy qalalar kúndik norma týraly aldyn ala ótinish bermedi. Tasymal boıynsha kelisimshart jasalǵan joq. «QazMunaıGaz» kompanııasy meıram kúnderi jumys istegen joq, soǵan oraı munaıdy tasymaldaý jumystry», - deıdi Almas Aıdarov.

Osy máselege oraı, oblys ákimi Erlan Qoshanov jergilikti bılik ókilderine eskertý jasap, janarmaı tapshylyǵyn tez arada sheshýdi tapsyrdy.