Qaraǵandy oblysynda BelAZ bes jolaýshy mingen avtokólikti myjyp ótti

QARAǴANDY. QazAqparat - Qaraǵandy oblysynda «Molodejnyı» razrezinde BelAZ aýyr kóligi ishinde bes adamy bar «ÝAZ» avtokóligin basyp ketken. Oqıǵa saldarynan eki adam qaza tapty, dep habarlaıdy QazAqparat tilshisi.

Qaıǵyly oqıǵa 28 tamyz kúni «Molodejnyı» razrezinde bolǵan.

«BelAZ» avtokóliginiń júrgizýshisi burylǵan kezde sol jaq bóligimen ishinde kenishtiń qyzmetkerleri bolǵan «ÝAZ» kóligine soqtyǵysqan.

Aýyr júk mashınasy jeńil kólikti ishindegi adamdarymen qosa ezip ótken.

«Soqtyǵysýdyń saldarynan «ÝAZ« avtokóliginiń júrgizýshisi men onyń jolaýshysy alǵan jaraqattarynan oqıǵa ornynda kóz jumdy, osy kóliktiń taǵy úsh jolaýshysy medıtsınalyq mekemege jetkizildi.

Atalǵan fakti boıynsha QR QK 156 - baby 4-bóligi boıynsha qylmystyq is tirkeldi», - dep habarlady Qaraǵandy oblysy PD baspasóz qyzmeti.

Qazirgi ýaqytta oqıǵanyń sebebin anyqtaý úshin tergeý sharalary júrip jatyr.