Qaraǵandy oblysynda Belarýs taýarlarynyń ımporty úsh ese ulǵaıǵan
QARAǴANDY. QazAqparat - Qaraǵandy oblysynyń statıstıka departamenti Qaraǵandy oblysy men Reseı, Belarýs Respýblıkasy, Qyrǵyzstan jáne Armenııa sekildi Eýrazııalyq ekonomıkalyq odaǵy (EAEO) elderiniń arasyndaǵy ózara saýda týraly málimetterdi jarııalady, dep habarlaıdy óńir basshysynyń resmı saıty.
Osy jyldyń qańtarynan mamyryna deıingi aralyqta Qaraǵandy oblysynyń EAEO elderimen ózara saýda kólemi 975,2 amerıkandyq dollaryn qurady.
Ózara saýdanyń negizgi úlesi (92,7%) Reseı Federatsııasyna tıesili, bul elmen 903,8 mln dollardy qurap otyr.
Belarýs Respýblıkasymen ózara saýda 42 mln dollar (4,3%), Qyrǵyzstanmen - 27,9 mln dollar (2,9%), Armenııamen - 1,5 mln dollar (0,2%) boldy.
Ózara saýdanyń jalpy kóleminde eksport úlesi 63,8%, ımport - 36,2% quraıdy.
Dálirek aıtar bolsaq, Reseıge eksport 571,2 mln dollar, ımport - 332,6 mln dollar. Ótken jyldyń qańtar-mamyrymen salystyrǵanda eksport 4,9%-ǵa, ımport - 0,3%-ǵa ulǵaıdy.
Belarýs Respýblıkasyna eksport (22,4 mln dollar) týra osyndaı ótken jylǵy merzimmen salystyrǵanda 19,8%-ǵa, ımport (19,6 mln dollar) - 31,6%-ǵa ósken.
Armenııa Respýblıkasyna eksport 1,3 mln dollardy qurady. Import bolsa (218,2 myń. dollar), 2017i jyldyń qańtar-mamyrymen salystyrǵanda 3 esege ulǵaıǵan.
Qyrǵyzstanǵa eksport (27,1 mln. dollar) 1,3%-ǵa ósti, ımport (840,2 myń dollar) 47%-ǵa qysqardy.
