Qaraǵandy oblysynda «Batyrlar saıabaǵy» ashyldy

QARAǴANDY. QazAqparat – Bıyl Qaraǵandy oblysynda Nurken Ábdirov pen Qazbek Nurjanovtyń 100 jyldyǵy keńinen atalyp ótilýde. Keńes Odaǵynyń Batyrlaryna arnalǵan is-sharalardyń biri Aqtoǵaı aýdanynda ótti, dep habarlaıdy QazAqparat tilshisi.

Qaraǵandy oblysy, Aqtoǵaı aýdanynyń Sáýle aýylynda Qazbek Nurjanov atyndaǵy mektepte «Dańq» zaly jáne ІT-synyp ashyldy. Al Nurken aýylynda «Jastar saıabaǵy» paıda boldy, N. Ábdirov atyndaǵy mektepte sheberhana jasaqtaldy. Mektep murajaıynda «Rýhanı jańǵyrý» taqyrybynda sabaq ótti.

Sondaı-aq, qaıta jóndeýden keıin aýdanda «Batyrlar saıabaǵy» ashyldy. Onyń ashylý saltanatynda sóz sóılegen aýdan ákimi Saltanat Ábeýova qazirgi jastar men bolashaq urpaq óz ata-babalary men batyrlaryn umytpaı, olardan úlgi alýy kerektigin atap ótti.

Sharaǵa qatysýshylar «Tarıh taǵylymy» saıabaǵyndaǵy Ekinshi dúnıejúzilik soǵys qurbandarynyń eskertkishine gúl shoqtaryn qoıdy.

Nurken Ábdirov pen Qazbek Nurjanovty eske alýǵa arnalǵan is-sharalar «Qos batyr – qos qyran» kontserttik baǵdarlamasymen aıaqtaldy. Kontsertte keıipkerlerdiń urpaqtary sóz sóıledi.