Qaraǵandy oblysynda «Bastau Bıznes» baǵdarlamasy boıynsha 1000 adam oqýdan ótti
NUR-SULTAN. QazAqparat - Qaraǵandy oblysynyń myńdaǵan turǵyny «Bastau Bıznes» baǵdarlamasy boıynsha kásipkerlik negizderin meńgerý boıynsha oqytýdan ótti. Bul týraly Óńirlik kásipkerler palatasynyń dırektory Ernar Kúlpeısov apparat jınalysynda málimdedi, dep habarlaıdy oblystyq ákimdiktiń baspasóz qyzmeti.
Osy jyly bilim berý jobasyna 3700 adam qatysady. Qaraǵandy oblysynyń ákimi Jeńis Qasymbekti baǵdarlamanyń túlekterin jumysqa ornalastyrý máselesi qyzyqtyrdy.
- 619 tyńdaýshy 1,7 mlrd. teńge somasyna shaǵyn nesıeler men granttar aldy. «Jas kásipker» jobasy boıynsha 1350 adam oqytyldy. 468 jas kásipker ózderiniń bıznes-josparlaryn iske asyrýǵa 224 mln. teńge somasynda grant túrinde qarjylandyryldy, - dep jaýap berdi Ernar Kúlpeısov.
Aımaq basshysy bıznes-jattyqtyrýshylardyń biliktiligi men sany týraly surady. Ernara Kúlpeıisovtyń aıtýynsha, barlyq oqytýshylar qatań irikteýden ótip, bir aı boıy arnaıy dáris kýrsyn tyńdaýǵa mindetti. Tek osydan keıin ǵana jumysqa jiberiledi. Qazir Qaraǵandy oblysynda jas kásipkerlerdi 16 koých oqytady.
Jeńis Qasymbek apparattyq jınalysta bıýdjet pen memlekettik satyp alý júıesiniń ıgerilýine monıtorıng qalaı júrgiziletini týraly máseleni kóterdi. Onyń aıtýynsha, qazir bul jumys qolmen oryndalady, ol óz kezeginde kóbinese derekterdiń durys kórsetilmeýine ákep soǵady. Óńir basshysy bıýdjet qarajatyn esepteý kezinde qatelerdiń yqtımaldyǵyn boldyrmaý úshin monıtorıng protsesin avtomattandyrýdy tapsyrdy.
