Qaraǵandy oblysynda barlyq joldar ashyq
QARAǴANDY. QazAqparat - 16 aqpanda Qaraǵandy oblysynyń aýmaǵynda barlyq baǵyttar boıynsha avtokólik qozǵalysy qaıta jandandy, dep habarlaıdy QazAqparat tilshisi.
Óńirde aýa raıy qubylyp tur. Qutqarýshylar qaraǵandylyqtardy saq bolýǵa, aýa raıynyń ózgerýin nazarda ustaýǵa shaqyrady. Múmkindiginshe, ásirese túngi ýaqytta jáne kún buzylǵan kezde alys saparlar men jaıaý serýendeýdeden bas tartý kerek.
Joldardaǵy jaǵdaı týraly ózekti aqparatty bilýge, oqys oqıǵalar týraly myna telefon nómirleri arqyly habarlaýǵa bolady: 112, (8-7212) 43-36-36, 43-37-37.
Esterińizge sala keteıik, 15-aqpanda qalyń qar men qatty jeldiń saldarynan Qaraǵandyda respýblıkalyq mańyzy bar joldardyń 11 ýchaskesi jabylǵan bolatyn. Myńǵa jýyq adam joldyń nashar kórinýine baılanysty trassa boıynda kólikterimen turyp qalǵan. Qutqarýshylar olardy jylytý pýnktterine jetkizdi.
