Qaraǵandy oblysynda barlyq baǵyttar boıynsha jol jabyq
QARAǴANDY. QazAqparat - Qaraǵandy oblysynda 24 jeltoqsan kúni saǵat 21-30-dan bastap, kóktaıǵaq pen borannyń saldarynan júrýge bolmaıtyn jol bólikteriniń tizimi ulǵaıa tústi, dep habarlaıdy QazAqparat.
Joldar barlyq baǵyttar boıynsha kólikterdiń barlyq túrleri úshin jabyq. Aımaqta boran turyp, jeldiń kúshi sekýndyna 20 metrge jetti, jolda kóktaıǵaq. Kezekshi polıtsııa qyzmetkerleri aýdandar men qalalardyń shyǵa beristerinde de tur.
«Saǵat 21-30-dan bastap barlyq baǵyttar boıynsha barlyq kólik túrleri úshin joldar jabyq»,-dedi Qaraǵandy oblysy boıynsha Tótenshe jaǵdaılar departamentiniń resmı ókili Janna Dáýrenbekova.
Aımaqta tipti aýyl mańdaryndaǵy jáne aınalyp ótetin joldar da baqylaýǵa alyndy. Óıtkeni buryndary júrgizýshilerdiń polıtsııa beketterin aınalyp ótpek bolǵan áreketteri anyqtalǵan.
Aıta keteıik, Tótenshe jaǵdaılar bólimsheleri men oblystyq departamenttiń jeke quramy jol boıynda azamattarǵa kómek berý úshin joǵary daıyndyq jaǵdaıyna keltirilgen. Jol talǵamaıtyn tehnıkalar da daıyn tur. Adamdardy jylytatyn arnaıy oryndar da uıymdastyrylǵan.
