Qaraǵandy oblysynda barlyq baǵyttaǵy joldar jabyldy
QARAǴANDY. QazAqparat – Qaraǵandy oblysy aýmaǵynda eskertý jarııalandy. Avtokólik qozǵalysy barlyq baǵyt boıynsha jabyq, dep habarlaıdy QazAqparat tilshisi.
Osyǵan baılanysty Qaraǵandy oblysy TJD mamandary kelesideı eskertýler jasady:
- eldi mekenderden tys jerlerge shyqpańyz;
- avtojoldarda kólik quraldarynyń jınalýyna jol bermeńiz;
- múmkindiginshe eldi mekenderde, kempıngterde, jol boıyndaǵy dámhanalarda bolyńyz.
Aýa raıynyń ózgerýi jáne avtojoldardyń jaǵdaıy týraly jedel aqparat «Dármen» mobıldik qosymshasynda, áleýmettik jelilerde TJD resmı paraqshalarynda qoljetimdi.
Barlyq oqıǵalar men TJ faktileri týraly 112 nemese 8(7212) 43-36-36, 43-37-37 telefondary arqyly habarlasýǵa bolady.
