Qaraǵandy oblysynda ballondaǵy gaz baǵasy tómendeıtin boldy
Qaraǵandy oblysynyń ákimi Jeńis Qasymbek óziniń Facebook paraqshasynda ballon gazynyń baǵasyn tómendetý boıynsha qandaı jumystar júrgizilip jatqany týraly jazdy.
«Qurmetti Qaraǵandy oblysynyń turǵyndary!
Ballondardaǵy gazdyń baǵasy boıynsha kóptegen ótinishter túsýde. Shynynda da, qazir tek avtomobıl gazynyń baǵasy belgilendi. Sondyqtan, biz keıbir gaz jelisi uıymdarymen birlesip, ballon gazynyń da baǵasyn tómendetý týraly sheshim qabyldadyq.
Búgingi kúnde 8 kompanııa tarapynan túsinistik bar. Olar – «AlemGaz» JShS, «Temir-Gaz», «ÝGH GAZOIL», «Hanter AGZS», «Avtogaz Treıd», «S-Munaı», «KazEcoGaz LTD17» jáne «Alpamys Atyraý». Bul kompanııalar gazdy lıtrine 70 - 105 teńgeden satýda.
Mysaly, Qaraǵandyda «AlemGaz» JShS ballondardy 1 500 teńgeden 3 000 teńgege deıin jetkizý baǵasynsyz satýdy bastady. Temirtaýda 25 lıtrlik ballon 2 500 teńge, 50 lıtrlik ballon 5 000 teńge turady. Jezqazǵanda balondy gazdyń baǵasy 130 teńgeden 88 teńgege deıin tómendedi. Balqashta ballon gazynyń bir lıtri 85 teńge turady.
Osy kompanııalardyń basshylyǵyna túsinistik pen áleýmettik jaýapkershilik úshin alǵys aıtamyn. Ballondy gaz baǵasyn tómendetý boıynsha jumys barlyq óńirlerde basqa kompanııalarmen de jalǵasady», – dep jazdy Jeńis Qasymbek óziniń Facebook paraqshasynda.
