Qaraǵandy oblysynda balalardy Pfizer vaktsınasymen egý qalaı júrgiziledi

QARAǴANDY. QazAqparat – Qaraǵandy oblysynda 12-18 jas aralyǵyndaǵy balalar men jasóspirimderdi koronavırýsqa qarsy Pfizer preparatymen ımmýndaý bastalady. Vaktsınatsııa tek ata-analardyń nemese olardyń zańdy ókilderiniń jazbasha kelisimimen ǵana júrgiziledi, dep habarlaıdy QazAqparat tilshisi.

Óńirlik kommýnıkatsııalar qyzmeti alańynda ótken brıfıngide Densaýlyq saqtaý basqarmasynyń basshysy Gamal Toqsambaev málim etkendeı, oblysqa 40 950 doza mólsherinde Pfizer vaktsınasy jetkizildi. Preparat eki komponentti bolǵandyqtan, vaktsına 20 475 qaraǵandylyq úshin qoljetimdi. Preparattyń qaýipsizdigi men tıimdiligi úshin barlyq deńgeıde – saqtaýdan bastap tasymaldaýǵa deıin – qajetti sýyq tizbek qamtamasyz etiledi.

«Pfizer vaktsınasyn Dúnıejúzilik densaýlyq saqtaý uıymy 12-18 jas aralyǵyndaǵy balalar men jasóspirimderdi, sondaı-aq júkti jáne bala emizetin analardy vaktsınalaý úshin usynady. Qazirgi ýaqytta álemniń 20-dan astam eli bul vaktsınany 12 jastan bastap jasóspirimderdi ımmýndaý úshin qoldanady», - dedi ol.

Oblysta jasóspirimderdi vaktsınalaý bilim berý uıymdarynyń egý kabınetterinde ótedi. Sondaı-aq, Qaraǵandy qalasynyń 6 egý pýnktinde ımmýndaý júrgiziledi. Ata-analar balalardy osynda da ákele alady.

«Vaktsınatsııaǵa ata-anasy nemese zańdy ókili qol qoıǵan jazbasha kelisimi bar balalar ǵana shaqyrylady. Qazirgi ýaqytta bilim berý uıymdarynda egilgenderge medıtsınalyq baqylaý júrgizý úshin kabınetter daıyndaý boıynsha jumys júrgizilýde», - dep túsindirdi oblystyq Bilim basqarmasynyń basshysy Gúlsim Qojahmetova.

Pfizer preparatyn egýge qarsy kórsetilimder: belsendi zatqa nemese preparattyń kez kelgen basqa komponentterine allergııa, 12 jasqa deıingi balalar jáne 16 aptaǵa deıingi júktilik. Eger adamda jiti juqpaly aýrý nemese sozylmaly aýrýlardyń órshýi bolsa, vaktsınatsııany keıinge qaldyrý kerek.

Pfizer – eki komponentti vaktsına. Eki dozanyń arasyndaǵy ýaqyt 21-28 kún.