Qaraǵandy oblysynda aıyqpas dert juqqan jylqylardy órtep jatyr
QARAǴANDY. QazAqparat - Qaraǵandy oblysy Buqar jyraý aýdany Qaraqudyq aýylynda ınfektsııalyq epızootıkalyq lımfangıt juqtyrǵan 15 jylqynyń kózi joıylatyn boldy, dep habarlaıdy «QazAqparat» HAA tilshisi.
Bul aýylǵa Astanadan epızootıkalyq top kelip, maldardy qaıta tekserýden ótkizgen. Olar bul indetten aıyǵý múmkin emes degen baılamǵa kelgen.
Buqar jyraý aýdany Qaraqudyq aýylynyń ákimi Orymbala Dúısembekovanyń málimdeýinshe, mal dárigerleri kelgenge deıin jylqylardy eki apta basqa maldardan oqshaý ustaǵan.
«Bul aýrý segiz úı-jaıdan anyqtaldy. Aýylda barlyǵy 175 qora bar. Juqpaly aýrý taralmady. Mal dárigerleri kún saıyn birneshe jer qoralardy aralap, maldardy tekserip jatyr», - dedi aýyl ákimi.
Jylqylardyń ıeleri ótemaqy alý úshin veterınarııa basqarmasyna ótinish jazyp, maldyń tólqujatyn nemes basqa da qujatyn alyp barýy kerek.
