Qaraǵandy oblysynda aıazǵa baılanysty «Tegin taksı» aktsııasy uıymdastyryldy

QARAǴANDY. QazAqparat – Qaraǵandy oblysynda aıazǵa baılanysty «Tegin taksı» qaıyrymdylyq aktsııasy bastaldy. Ony aımaqtaǵy meshit qyzmetkerleri uıymdastyryp, avtokólik ıeleri men janarmaı quıý beketteri qoldady, dep habarlaıdy QazAqparat tilshisi.

«Tegin taksı» jáne «Qolyńnan kelse, qolǵabys bol» qaıyrymdylyq aktsııalaryn ótkizip jatyrmyz. Jaqsylyq jasap, janyńdaǵylarǵa kómektesý kerek dep esepteımiz. Barlyq adamdardy meıirimdilik pen jaýapkershilikke shaqyramyz», - deıdi Qaraǵandy oblysynyń bas ımamy Estaı Aıtýǵanuly.

Onyń aıtýynsha, «Tegin taksı» oblystyń qalalarynda ǵana emes, aýyldyq jerlerde de qyzmet kórsetedi. Aktsııany júzge jýyq avtokólik ıesi qoldady, al janarmaı quıý beketteriniń biri benzındi tegin usyndy.

Sonymen qatar, aktsııa uıymdastyrýshylary kóshede aıazdy kúnderi kommýnaldyq qyzmet jumysshylaryna ystyq shaı taratady.

«Barlyǵyna rahmet. Osyndaı ıgi ister kóbeıe bersin. Bul – adamdarǵa jasalyp jatqan keremet kómek. Kún saıyn meshitke baramyn, aıazdy kúnderi meni úıge tegin alyp keledi», - deıdi 74 jastaǵy aqsaqal Zikirııa Ábdirahmanuly.

Foto Qaraǵandy oblystyq meshitinen