Qaraǵandy oblysynda aıazdy aýa raıy saqtalyp otyr
QARAǴANDY. 23 aqpan. QazAqparat /Valentına Elızarova/ - Qaraǵandy oblysynda aıazdy aýa raıynyń saldarynan taǵy da eskertý jarııalandy.
Bul týraly oblystyq TJD baspasóz qyzmeti habarlap otyr.
«Qazgıdromet» RMK Qaraǵandy gıdrometeorologııa ortalyǵynyń habarlaýynsha, oblys aýmaǵynda 2011 jyldyń 24 aqpanynda keıbir jerlerde boran turyp, jeldiń kúshi sekýndyna 15-20 metrge jetedi, túnde 27-32 gradýs, kúndiz 23 gradýs aıaz bolady dep kútilýde», - dep habarlady oblystyq TJD baspasóz qyzmeti. Sınoptıkterdiń boljaýynsha, aıazdy kúnder 25-26 aqpan kúnderi de saqtalyp, túnde 30-35, kúndiz 23 gradýsqa jetedi, jeldiń kúshi sekýndyna 9-14 metrge jetedi.
Osyǵan oraı, qutqarýshylar turǵyndarǵa barlyq saqtyq sharalaryn qoldanýdy qatań eskertýde, aýa raıynyń qubylýlaryn qatań baqylap, múmkindiginshe alys jolǵa shyqpaý týraly keńes berýde.
