Qaraǵandy oblysynda avtokólik muzǵa túsip ketti
QARAǴANDY. QazAqparat – Qaraǵandyda Samarqand sý qoımasynda jeńil avtokólik muz jaryǵyna túsip ketti, dep habarlaıdy QazAqparat tilshisi.
13 naýryzda tańǵy saǵat 7-de «112» jelisine Samarqand sý qoımasynda muz astyna avtomobıl qulap ketkendigi týraly habarlama kelip tústi.
Oqıǵa ornyna shyǵý kezinde qutqarýshylar jeńil avtokóliktiń aldyńǵy dóńgelekterimen muzda paıda bolǵan jaryqqa túsip ketkenin anyqtady. Oqıǵa saldarynan júrgizýshi zardap shekken joq.
Qutqarýshylar men kýágerler kólik ıesi men avtokólikti sýdan shyǵarýǵa kómektesti.
Sonymen qatar, Qaraǵandy oblysynyń Tótenshe jaǵdaılar departamenti qazirgi ýaqytta oblys ózenderinde muz jarý jumystary bastalǵanyn eskertedi. Sondaı-aq, iri sý qoımalarynan sý jiberý ulǵaıtyldy. Qazirgi ýaqytta kóktemgi muz jamylǵysy berik emes. Sondyqtan qutqarýshylar kelesi qaýipsizdik sharalaryn saqtaýdy suraıdy:
Muz ústine shyqpańyzdar!
Kólikpen muz ústine shyqpańyzdar!
Balyq aýlaýdan bas tartyńyzdar!
Jaryqtar men oıyqtarǵa jaqyndamańyzdar!
Sý qoımalaryna balalardy óz betimen jibermeńizder!
Sý aıdyndaryndaǵy júris-turys qaǵıdalaryn balalarǵa túsindirińizder!
Tótenshe oqıǵalar týraly 112 nemese 8(7212) 43-36-36, 43-37-37 telefondary arqyly habarlaýǵa bolady.
