Qaraǵandy oblysynda «Avtobýs» jedel-aldyn alý sharasynyń birinshi kúninde 100-den astam buzýshylyqtar anyqtaldy
QARAǴANDY. 6 jeltoqsan. QazAqparat - Qaraǵandy oblysynda ótken «Avtobýs» jedel-aldyn alý sharasynyń birinshi kúninde jol polıtseıleri jolaýshylar kólikteriniń júrgizýshileri tarapynan 100-den astam buzýshylyqtardy anyqtap, aldyn aldy, dep habarlaıdy oblystyq ІІD-niń baspasóz qyzmetinen.
«Qaraǵandy oblysynda 5-15 jeltoqsan aralyǵynda jolaýshylar kóliginiń qatysýymen bolatyn apattar deńgeıin turaqtandyrý maqsatynda «Avtobýs» jedel-aldyn alý sharasy ótti. Birinshi kúni oblystyq jol polıtsııasy basqarmasynynyń 188 qyzmetkeri jumyldyryldy. Jedel-aldyn alý sharasyn ótkizýge kólik ınspektsııasynyń, ákimdiktiń jáne salyq organdarynyń qyzmetkerleri qatystyryldy», - delinedi habarlamada.
Jol polıtsııasynyń aqparatynsha, jedel-aldyn alý sharasynyń bir kúninde jolaýshylardy tasymaldaıtyn júrgizýshilerdiń jol-kólik qozǵalysy erejelerin buzýynyń 101 faktisi anyqtalyp, aldy alyndy.
Jol polıtsııasynyń qyzmetkerleri 1-shi kúni jalpy uzaqtyǵy 414 shaqyrym avtobýs baǵdaryna 12 tekseris ótkizdi. «Bul rette kóshe-jol jelisiniń kútimi, avtobýs aıaldamalaryn jabdyqta jáne t.b. 15 jetispeýshilik anyqtaldy. Problemalyq máseleler (joldardyń jaǵdaıy, jol belgileriniń, jaryqtyń joqtyǵy) boıynsha alynǵan barlyq aqparat jergilikti atqarýshy organdarǵa jiberildi», - dep atap ótiledi habarlamada.
