Qaraǵandy oblysynda avtobýs apatqa ushyrap, 21 jolaýshy jaraqat aldy
QARAǴANDY. QazAqparat – Qaraǵandy oblysy Saran qalasynyń mańynda jolaýshylar avtobýsy apatqa ushyrady. Qaraǵandy-Shahan baǵytyndaǵy qalaaralyq avtobýs traktormen soqtyǵysyp, joldan shyǵyp ketti, dep habarlaıdy QazAqparat tilshisi.
Jol apaty 29 qyrkúıek saǵat 19:30 shamasynda boldy. №127 marshrýttyq avtobýs Saran mańyndaǵy tasjolda traktormen soqtyǵysqan.
«Jol-kólik oqıǵasy saldarynan zardap shekken tórt adam medıtsınalyq mekemege jetkizildi. Atalmysh derek polıtsııada tirkelgen . Qazirgi ýaqytta oqıǵanyń mán-jaıyn anyqtaý boıynsha alǵashqy tergeý sharalary júrgizilýde», - dep habarlady Qaraǵandy oblysy PD baspasóz qyzmeti.
Densaýlyq saqtaý basqarmasy zardap shekkenderdiń jaǵdaıy týraly kelesideı málimet berdi:
«Barlyǵy 21 adam zardap shekti. Onyń beseýi Maqajanov klınıkasyna jatqyzyldy. Naýqastardyń jaǵdaıy ortasha aýyr. Qalǵany ambýlatorlyq emdelýge jiberildi», - dep habarlady vedomstvoda.
