Qaraǵandy oblysynda aýyl turǵyndary Táýelsizdiktiń 30 jyldyǵyna oraı 30 tal otyrǵyzdy

ULYTAÝ. QazAqparat – Táýelsizdiktiń 30 jyldyǵyna – 30 boz arsha. Ulytaý aýdanynda kúzgi aǵash otyrǵyzý aktsııasy ótti, dep habarlaıdy QazAqparat.

Qazaqstan Táýelsizdiginiń 30 jyldyǵyna Ulytaý aýdany Aqtas aýylynyń turǵyndary 30 boz arsha otyrǵyzdy. Árbir ómirlik aǵashqa (boz arshany keıde osylaı ataıdy) aýyl turǵyndary elimizdiń jetistikterine baılanysty esim bergisi keledi.

«Turǵyndar tal otyrǵyzýǵa belsendi qatysty. Munyń bári bizdiń aýyldy abattandyrý úshin jasalady. Igi ister odan ári jalǵasady», – dedi Aqtas ákimi Dýlat Súleımenov.

Al aýyl turǵyndarynyń ózderi osyndaı aktsııalarǵa qatysa otyryp, eń aldymen óz balalary men nemerelerine jaqsy úlgi kórsetip, týǵan jerine degen súıispenshilikti oıatady dep sanaıdy.