Qaraǵandy oblysynda «Aýyl» partııasy aýyl ákimderiniń saılaýyna óz kandıdattaryn usyndy
QARAǴANDY. QazAqparat – Qaraǵandy oblysy boıynsha 201 aýyldyq okrýg bolsa, onyń 75-de ákim saılanady. Osy okrýgtarǵa qarasty 149 eldi mekende 81 myńnan astam saılaýshy bar, dep habarlaıdy QazAqparat tilshisi.
Bul saılaý saıasatty óz sheberlikterin kórsetkisi keletinderge múmkindik beredi. Osyndaı belsendi azamattar qatarynan kandıdattar usyný quqyǵy saıası partııalarǵa da berildi. «Aýyl» halyqtyq-demokratııalyq patrıottyq partııasynyń óńirlik fılıaly trapynan 5 kandıdat usynyldy.
Ákimder laýazymyna úmitkerlerdiń ortasha jasy – 40. Qazir olar sharýa qojalyqtaryn, qoǵamdyq jáne sporttyq uıymdardy basqarady. Olar kezekten tys konferentsııada partııa ókilderi men delegattar aldynda tanystyrylyp, ózderiniń qysqa baǵdarlamalaryn jarııalady. Konferentsııada aýyldy damytýdyń tıimdi tetikteri týraly máseleler talqylandy. Fılıalda jaǵdaı muqııat taldaýdan ótip, belgili bir jetistikterge qol jetkizý áleýeti bar aýyldyq okrýgterde ǵana kandıdattar usynǵanyn aıtady. Jalpy saıası platformadan basqa árbir úmitker naqty aýyldy damytýdyń jeke baǵdarlamalaryn daıyndaıdy.
«Aýyl ákimderine degen senim zor. Biz bul azamattar senimimizdi aqtaıdy dep oılaımyz. Aýyldastarymyzǵa, aýyldastarymyzdyń ómirine, jalpy aýyl problemalaryna qatysty ózekti máseleler kóteriledi. Bul joldardy jóndeý de, aýyz sýmen qamtamasyz etý de, árıne, aýyl sharýashylyǵy tehnıkasyn jańǵyrtý jáne jalpy aýyl sharýashylyǵy salasyn ártaraptandyrý, aýyl sharýashylyǵy salasyna zamanaýı tehnologııalardy engizý», - dep atap ótti «Aýyl» halyqtyq-demokratııalyq patrıottyq partııasy QOF tóraǵasy Serǵazy Ádekenov.
