Qaraǵandy oblysynda aýyl medıtsınasyn qarjylandyrý 39% artty
Buqar jyraý aýdandyq ortalyq aýrýhanasy 2020 jyly jabdyqtaýdy jaqsartýǵa 208,9 mln teńge jumsady.
Bul qarajatqa Úshtóbe, Qarajar, Kókpekti, Petrovka, Rostovka, Toǵyzqudyq eldi mekenderi, Botaqara kenti úshin jalpy somasy 34,4 mln teńgege 8 avtomobıl jáne Gagarın aýyly úshin ÝAZ avtokóligi satyp alyndy.
2021 jyly aýdan turǵyndaryna medıtsınalyq kómek kórsetýge 1 877,9 mln teńge bólindi.
«Medıtsınalyq saqtandyrý júıesine kóshý «Covid-19» koronavırýstyq ınfektsııasynyń taralýyna sáıkes keldi, bul qazirgi ýaqytta qarqyndy beıimdelýge áser etti. Pandemııamen kúreske bizge qosymsha 105,3 mln teńge kóleminde qarjy bólindi. Nátıjesinde KVI emdeý jáne aldyn alýǵa arnalǵan dárilik zattardyń, sondaı-aq medıtsınalyq buıymdardyń tapshylyǵynan qutylýǵa múmkindik týdy», – deıdi Buqar jyraý aýdany ortalyq aýdandyq aýrýhanasynyń dırektory Dámet Nurmaǵanova.
Dárigerler medsaqtandyrýdy engizý arqyly birqatar ózgerister bolǵanyn atap ótti.
Qymbat turatyn medıtsınalyq qyzmetter men dıagnostıka (ÝDZ, KT jáne MRT qosa alǵanda) qoljetimdi boldy.
Sondaı-aq konsýltatsııalyq-dıagnostıkalyq zertteýlerge qoljetimdilik keńeıdi.
«Mindetti medıtsınalyq saqtandyrý arqyly18 jasqa deıingi barlyq bala tegin dári-dármekpen qamtamasyz etiledi, al buryn tegin dári-dármek tek 5 jasqa deıingi balalarǵa ǵana beriletin. MÁMS júıesiniń qatysýshylaryna tegin dári-dármekter taǵy 41 aýrýlar toby boıynsha qoljetimdi boldy. Buqar jyraý aýdanynyń patsıentteri úshin jalpy somasy 280 mln teńgege TMKKK sheńberinde ambýlatorııalyq dári – dármekpen qamtamasyz etý úshin dárilik preparattarǵa tapsyrys berilgen», – dep naqtylaıdy aýrýhana dırektory.
Buqar jyraý aýdandyq ortalyq aýrýhanasynda qaterli isiktiń aldyn alý jáne anyqtaý boıynsha memlekettik baǵdarlama belsendi júzege asyrylýda.
Turǵyndardy DamuMed qosymshasy arqyly dárigerge deıingi jáne qaraý kabınetterine skrınıngterge shaqyrady.
Emhanada ýrolog dárigerdiń shtat birligi qosymsha engizildi. Endi nesep-jynys júıesi aýrýlary bar emdelýshilerge budan bylaı oblys ortalyǵyna barýdyń qajeti joq.
2021 jyly statsıonarda laparoskopııalyq otalar spektri keńeıdi.
Onyń ishinde jedel appendıtsıt kezinde laparoskopııalyq operatsııalar, «kómeski ish», ishtiń jaraqattary kezinde dıagnostıkalyq laparoskopııa bastaldy.
Buryn Buqar jyraý aýdanynyń turǵyndary mundaı kómekti tek oblys ortalyǵynan ala alatyn.
«Hırýrgııalyq emdeý túrlerin keńeıtý josparda bar: dıafragmatıkalyq jarasyn hırýrgııalyq túzetý, laparoskopııalyq jolmen kindik jáne ishek jarasyn alyp tastaý. Varıkozdy emdeýdiń mınımaldy ınvazıvti ádisteri engizildi - endovenozdy lazerlik koagýlıatsııa, VRV. Atalǵan emdeý ádisteri aýdan turǵyndaryna MÁMS paketinde usynylady, ıaǵnı saqtandyrylǵan patsıentter úshin – tegin», – dep túsindirdi Dámet Nurmaǵanova.
Aıta ketý kerek, Buqar jyraý aýdanynyń OAA -na 48 277 adam tirkelgen.
