Qaraǵandy oblysynda aýyl kásipkerlerin nesıelendirýge 4 mlrd teńge bólindi
Qaraǵandy oblysynda memlekettik qoldaý shaǵyn jáne orta bıznestiń damýyna úlken septigin tıgizdi. Bul salada sońǵy jyldardaǵy eń úlken kórsetkishter baıqalýda. Óndiris 21% astam joǵarylady, jumys istep turǵan sýbektiler sany 6% artty, al jumys oryndary 6,4% kóbeıdi.
«Bıznestegi jańa qatysýshylardyń belsendiligi tirkelgen sýbektilerdiń sany artqanyn kórsetýde. Atalmysh kórsetkish oblysta 1,7% artty. Ol Jappaı kásipkerlikti damytý baǵdarlamasy aıasynda shaǵyn nesıeleýdiń keńeıýimen baılanysty bolyp otyr», - dep málimdedi Kásipkerlik basqarmasynyń basshysy Tatıana Ablaeva oblys ákimdiginde ótken otyrys barysynda.
2019 jyly oblys turǵyndaryna 1500 shaǵyn nesıe beriletini josparlanýda. Qarjylaı qoldaýlar Jappaı kásipkerlikti damytý baǵdarlamasy boıynsha da beriledi. Elbasynyń 4-shi áleýmettik bastamasyn júzege asyrýǵa bıyl 6,1 mlrd teńge qarastyrylǵan. Bul somanyń 4 mlrd teńgeden astamy aýyl turǵyndaryna arnalǵan.
Qoldaý sharalary óńirde qurylǵan monoqalalardaǵy bıznesti damytýǵa baǵyttalǵan Mıkroqarjylyq uıymnyń arqasynda arttyrylatyny kútiledi. Іri kompanııalardyń arqasynda ony 1 mlrd teńgeden astam qarajatqa qorlandyrý júzege asyrylady. Bul, shamamen 200 startap-jobany qoldaýǵa múmkindik beredi.
Tatıana Ablaevanyń aıtýynsha, oblysta «Bıznes-mektep» jáne «Bıznes bastaý» jobalary boıynsha isin jańa bastaǵan kásipkerlerdi oqytý jalǵastyrylady.
Sonymen qatar, «Bıznestiń jol kartasy-2020 baǵdarlamasy boıynsha 1,5 mlrd teńge bólingen. Bul taǵy 250-den astam jobaǵa ekinshi deńgeıli banktiń paıyzdyq mólsherlemesin tómendetýge múmkindik beredi.
«Shaǵyn jáne orta bıznesti damytý kórsetkishteri boıynsha ákimderdiń jumysy baǵalanady. Sizder bul úshin jaýap beresizder. Jergilikti jerlerde kómek kórsetý úrdisi «qolmen basqarý» qaǵıdasy boıynsha qoıylýy tıis», - dep atap ótti oblys ákimi Erlan Qoshanov.
