Qaraǵandy oblysynda aýyl ákimderiniń saılaýyna 303 kandıdat usynyldy
Oblystyq saılaý komıssııasynyń tóraǵasy Erqara Aımaǵambetovtyń aıtýynsha, oblysta barlyǵy 75 saılaý okrýginen 303 kandıdat usynyldy.
Onyń 87-si saıası partııalardan úmitker bolsa, qalǵan 216-sy - ózin-ózi usynǵan azamattar.
«Barlyq okrýgterde úsh-jeti kandıdat usynyldy. Saıası partııalar 87 úmitkerdi usyndy: NurOtan partııasy – 62, «Aýyl« HDPP – 5, «Aq Jol« QDP jáne «ADAL« PP – 3, QHP – 14. Ortasha básekelestik bir orynǵa 4,1 adamdy qurady», - dep atap ótti Erqara Aımaǵambetov.
On tórtinshi shildede saǵat 18:00-de Qaraǵandy oblysynda aýyl ákimderin saılaýǵa kandıdattardy tirkeý aıaqtalady. Qazirgi ýaqytta oblsaılaýkom olardyń zańnama talaptaryna sáıkestigin tekseredi. 15 shildeden bastap úgit naýqany bastalady.
Tekserý barysynda memlekettik qyzmet talaptaryna sáıkes kelmegendikten 10 úmitkerge tirkeýden bas tartyldy.
303 úmitkerdiń taǵy biri óz kandıdatýrasyn alyp tastaý týraly málimdedi.
Osylaısha, 10 shildedegi jaǵdaı boıynsha 292 kandıdat qaldy, olardyń 142-si tirkeldi.
«Bul kezeńde úlken báseke men qyzyǵýshylyq baıqalady. 6-7 úmitkerden bir orynǵa usynylǵan aýyldyq okrýgter bar. Ózin-ózi usynǵan 216 adamnyń 90-y qoldaý úshin saılaýshylardyń qajetti qoldaryn jınady. Arnaıy tekserýge 247 úmitkerdiń qujaty jiberildi», - dep tolyqtyrdy Erqara Aımaǵambetov.
Áleýetti ákimderdiń ortasha jasy - 43 jas. Eń úlkeni - 61 jasta. Áıelderdiń jalpy úlesi - shamamen 16%. Barlyq úmitkerdiń joǵary bilimi bar.
Esterińizge sala keteıik, 25 shildede Qaraǵandy oblysynda 130 myńnan astam adam turatyn 149 eldi mekende aýyl ákimderiniń tikeleı saılaýy ótedi.
Tikeleı saılaýdy ótkizýge 164 saılaý komıssııasy - 15 aýmaqtyq jáne 49 ýchaskelik komıssııa jumyldyrylady.