Qaraǵandy oblysynda aýla aýmaqtaryn sý basý qaýpi týraly 82 habarlama tústi
QARAǴANDY. QazAqparat – Búgingi tańda Qaraǵandy oblysy aýmaǵyndaǵy sý tasqyny jaǵdaıy erekshe baqylaýda. TJD jedel shtabyna aýla aýmaqtaryn sý basý qaýpi týraly 82 habarlama kelip tústi, onyń 68-i baqylaýdan alyndy, dep habarlaıdy QazAqparat tilshisi.
Barlyq jaǵdaılarǵa qatysty sýdy burý boıynsha sharalar qabyldandy. Barlyǵy 80 534 tekshe metr erigen sý soryldy, sondaı-aq uzyndyǵy 1735 metr aryqtarǵa tazartý júrgizildi, 670 dana qap tóseldi, 120 metr ýaqytsha úıindiler sebildi.
Kelesideı kúshter men quraldar jumyldyryldy:
– TJD – 209 qyzmetker, 82 birlik tehnıka, 13 motopompa;
- №52289 ÁB – 30 áskerı qyzmetshi, 1 birlik tehnıka;
- JAO – 155 qyzmetker, 74 birlik tehnıka;
- JPQ – 5 qyzmetker, 2 birlik tehnıka;
- kommýnaldyq qyzmetter – 240 adam, 68 birlik tehnıka.
Eldi mekenderdi sý basý tirkelgen joq.
Ótken táýlikte, 4 sáýirde Qaraǵandy oblysynyń aýmaǵynda qarqyndy qar erý jáne erigen qar sýynyń túsýi nátıjesinde Qarqaraly jáne Buqar Jyraý aýdandaryndaǵy avtojoldardyń eki ýchaskesinde erigen qar sýynyń quıylý faktileri tirkeldi.
Buqar Jyraý aýdanynda sý tasqyny qysqa merzimdi sıpatta boldy.
Sý basqan jerlerde eskertý belgileri ornatylyp, jol qyzmetteriniń, jergilikti polıtsııa qyzmetiniń jáne TJD bólimsheleriniń kezekshiligi uıymdastyryldy.
Bul ýchaskede kóliktiń barlyq túrleri úshin qozǵalys saǵat 07:00-den bastap ashyq.
Jol tósemi arqyly sý tasqyny toqtatyldy. Eldi mekenderge qaýip tónip turǵan joq.
Al Qarqaraly aýdanynda Qoıandy aýylynan 12 shaqyrym jerde, Qoıandy – Egindibulaq – Búrkitti oblystyq mańyzy bar avtojolynyń 67 shaqyrymynda kóliktiń barlyq túrleri úshin qozǵalys jabyq kúıinde qalyp otyr.
Oblystyń barlyq aýdandarynda 21 785 adam turatyn 158 sý tasqyny qaýpi bar eldi mekenderde 4474 turǵyn úı men aýla aýmaqtary baqylaýǵa alyndy.
Sý basqan jáne shaıylǵan avtomobıl joldary men temir joldar tirkelgen joq.
Qazgıdromettiń kún saıyn beretin málimetterine sáıkes, oblys ózenderiniń deńgeıi qaýipti mejeden artqan joq.
«Іri sý qoımalarynan tógindiler jalǵasýda: Samarqandtan – 100 kýb. m/s aǵyny kezinde 20 kýb. m/s kóleminde; Yntymaqtan – 8 kýb. m/s aǵyny kezinde 80 kýb. m/s. Sherýbaı-Nura sý qoımasynan aǵyzýlar júrgizilmeıdi, aǵyny 77 kýb. m/s quraıdy.
Kosmomonıtorıng derekteri boıynsha oblystyń soltústik aýmaǵynyń áli de 20–25%-y qar astynda qalyp otyr. Qaraǵandy oblysy boıynsha sý tasqyny jaǵdaıy baqylaýda», - dep habarlady Qaraǵandy oblysy TJD baspasóz qyzmeti.
