Qaraǵandy oblysynda aýdan ákiminiń orynbasaryna para aldy degen kúdik keltirildi
QARAǴANDY. QazAqparat - Qaraǵandy oblysyndaǵy Abaı aýdany ákiminiń orynbasaryna kásipkerge «qamqorlyq» kórsetý úshin 1,5 mln teńge kóleminde para aldy degen kúdik keltirilip otyr, dep habarlaıdy QazAqparat.
Sheneýnik JShS jetekshisimen kezdesýden soń qolǵa tústi. Ony Sybaılas jemqorlyqpen kúres ulttyq bıýrosynyń qyzmetkerleri 2017 jyldyń 25 qazanynda keshkisin qolǵa túsirdi.
Tergeý málimetteri boıynsha, sheneýnik 1,5 mln teńge parany «Óńirlerdi damytý-2020» baǵdarlamasy aıasynda salynǵan nysan boıynsha atqarylǵan jumystar aktisine esh kedergisiz qol qoıý jáne budan ári de kásipkerge «qamqorshylyq» tanytý úshin alǵan.
Sot zalynda aıyptalýshynyń advokaty onyń turaqty mekenjaıy bar ekenin, buryn sottalmaǵandyǵyn alǵa tarta otyryp, «qamaýǵa alý» sharasyn jumsartý jóninde ótinish bildirgen. Alaıda Qyzbek bı aýdanynyń № 1 soty kúdiktiniń qamaýǵa alý merzimin uzartý jóninde qaýly shyǵardy.
«Qozǵalǵan isti óndiriske engizý barysynda aıyptalýshynyń qamaýda bolý merzimi aıaqtaldy. Sol sebepti sot is sotta qaralyp jatqan kezde Súleımenov Dımash Jumkenulynyń qamaýda bolý merzimin uzartý jóninde qaýly shyǵardy»,-dep jarııa etti sot qaýlysyn sýdıa Aıgúl Myrzabekova.
Sheneýnikke QR QK-niń 366 baby, 2 bóligi boıynsha «zańsyz áreket etkenin jasyrý úshin para alý» áreketi boıynsha kúdik keltirilip otyr.
