Qaraǵandy oblysynda aýdan ákimi koronavırýs juqtyrdy degen jalǵan aqparat taraǵan
QARAǴANDY. QazAqparat – Polıtseıler Buqar Jyraý aýdanynyń ákimi koronavırýs juqtyrdy degen jalǵan aqparat taratqan kúdiktini ustady, dep habarlaıdy QazAqparat tilshisi.
4 sáýirde «WhatsApp» messendjerine monıtorıng kezinde Buqar Jyraý aýdanynyń ákimi koronavırýs juqtyrǵany týraly aýdıojazba taraǵany anyqtaldy.
«Atalmysh derek shyndyqqa sáıkes kelmeıdi. QK-niń 274-babynyń 1-bóligi boıynsha sotqa deıingi tergeý bastaldy (telekommýnıkatsııa jelilerin paıdalaný arqyly kórineý jalǵan aqparat taratý). Júrgizilgen is-sharalardyń nátıjesinde polıtsııa qyzmetkerleri kúdiktiniń 40 jastaǵy áıel ekenin anyqtady. Ol atalǵan qylmysty jasaǵanyn moıyndady», - dep habarlady Qaraǵandy oblysy PD baspasóz qyzmeti.
Qaraǵandy oblysynyń polıtsııa departamenti kezekti ret azamattardy áleýmettik jelilerde paıda bolǵan jalǵan aqparatqa senbeýge jáne ermeýge shaqyrady. Memlekettik organdardyń resmı málimetterine ǵana súıený kerek. Mundaı qylmys jasaǵany úshin 7 jylǵa deıin bas bostandyǵynan aıyrý jazasy kózdelgen.
