Qaraǵandy oblysynda aýdan ákimi bolyp alǵash ret áıel taǵaıyndaldy

QARAǴANDY. 23 tamyz. QazAqparat - Qaraǵandy oblysyndaǵy Aqtoǵaı aýdanynyń ákimi bolyp Saltanat Ábeýova taǵaıyndaldy, dep habarlaıdy aımaq basshysynyń baspasóz qyzmetinen.

«Oblys ákiminiń ókimimen, QR Prezıdenti Ákimshiliginiń jáne aýdandyq máslıhat depýtattarynyń kelisimimen Aqtoǵaı aýdanynyń ákimi qyzmetine Saltanat Ábeýova taǵaıyndaldy. Ol Qaraǵandy oblysynda aýdan ákimi bolǵan birinshi áıel», - dep atap ótiledi habarlamada.

Bul taǵaıyndaýǵa deıin S.Ábeýova osy aýdan ákiminiń orynbasary bolyp jumys istegen.

Oblys ákiminiń baspasóz qyzmetinen habarlaǵandaı, Aqtoǵaı aýdanynyń burynǵy ákimi Qaıyrjan Tileýbergenov bul qyzmetinen basqa jumysqa aýysýyna baılanysty bosatyldy.

S.Ábeýovanyń «orta mektepte nemis jáne aǵylshyn tilderiniń muǵalimi» mamandyǵy boıynsha bilimi bar. Almatydaǵy sheteldik tilderi pedagogıkalyq ınstıtýtyn támamdaǵan. Eńbek jolyn Aqtoǵaı aýdanyndaǵy Qyzylaraı aýylyndaǵy mektepte nemis tiliniń muǵalimi bolyp bastady. Odan keıin komsomol, partııa jáne keńestik organdarda qyzmet atqarǵan. 1992 jyly Aqtoǵaı ákimi apparatyna jumysqa qabyldandy, sol kezden beri onda túrli qyzmetter atqaryp kelgen, sonyń ishinde uıymdastyrýshylyq jáne kadrlyq jumys bóliminiń meńgerýshisi boldy.