Qaraǵandy oblysynda aýa raıynyń qolaısyzdyǵynan joldarda 25 apatty jaǵdaı tirkeldi, 100-ge jýyq adam qutqaryldy
QARAǴANDY. 20 naýryz. QazAqparat - Ótken táýlikte Qaraǵandy oblysynyń joldarynda aýa raıynyń qolaısyzdyǵynan 25 apatty jaǵdaı tirkeldi, shamamen 100 adam qutqaryldy, dep habaralady oblystyq TJD-niń baspasóz qyzmeti.
«Oblys aýmaǵynda oryn alǵan aýa raıynyń meteorologııalyq jaǵdaıyna baılanysty naýryzdyń 19-nan 20-na deıin joldarda kúrtik qar men jyraǵa shyǵyp ketý sııaqty jol-kólik apatynyń 25 oqıǵasy tirkeldi. Onda 100-ge jýyq adam men 40 tehnıka birligi boldy. Kómek kórsetýge 17 qurylym, 40 adam jáne 25 tehnıka jumyldyryldy. Barlyq adamdar qutqaryldy», - dedi oblystyq TJD-niń baspasóz qyzmeti.
Máselen, Osakarov aýdanynda «Almaty-Ekaterınbor» kúre jolynyń 1122 shaqyrymynda Astanadan Qaraǵandyǵa baǵyt alǵan 57 jolaýshysy bar avtobýs jyraǵa aýdarylyp ketti. Ulytaý aýdanynda «Qoskól-Jezqazǵan» jolynda qutqarýshylar jyraǵa aýdarylyp ketken «jedel-járdem» kóligin alyp shyqty. 7 adam, onyń ishinde 3 bala qutqaryldy», - dedi oblystyq TJD-niń baspasóz qyzmeti.
