Qaraǵandy oblysynda atys quraly jaraqatynan sarbaz qaza tapty
QARAǴANDY. 23 tamyz. QazAqparat - Qaraǵandy oblysynda atys quraly saldarynan jaraqattanǵan bir sarbaz qaza tapty. Qazirgi kezde onyń óliminiń jaǵdaılary tergeý aldyndaǵy tekseris barysynda anyqtalýda.
Bul týraly ortalyq aımaqtyń áskerı prokýratýrasynan habarlady.
«19 jasar áskerı qyzmetker kolonııalardyń birindegi kezekshilikti atqarý kezinde Kalashnıkov avtomatynan basyna oq atty. Oqıǵa 12 tamyzda oryn alǵan. Sarbaz Abaı qalasynyń aýrýhanasyna jetkizildi. Búgin túnde kóz jumdy», - dedi áskerı prokýratýradan.
Aldyn ala nusqa boıynsha, áskerge Shyǵys Qazaqstan oblysynyń Shemonaıha kentinen shaqyrylǵan 19 jastaǵy sarbaz ózin-ózi atyp óltirgen. «Onyń óliminiń aldynda «Meni keshirińder» dep jazylǵan haty tabyldy. Áskerı qyzmetkerdi ózin-ózi óltirýge ne sebep bolǵany tergeý aldyndaǵy tekseris barysynda anyqtalýda», - dep túsindirdi áskerı prokýratýradan.
