Qaraǵandy oblysynda atasynyń kóligin aıdap áketken jasóspirim apatqa ushyrap, qaza boldy
QARAǴANDY. QazAqparat - Qaraǵandy oblysynda jol-kólik oqıǵasy saldarynan atasynyń «Moskvıch-412» markaly kóligin aıdap áketken 10-synyp oqýshysy qaza tapty, dep habarlady «QazAqparat» HAA tilshisi.
Qaıǵyly oqıǵa ótken demalys kúnderi Abaı aýdany Aqbastaý kentinde oryn aldy. Jasóspirim atasynyń «Moskvıchin» aıdap áketip, dosymen kólikpen júrgisi kelgen. Ol kólikti basqara almaı, avtomobıl jyraǵa aýdaryldy. Jol-kólik apatynda 10-synyp oqýshysy alynǵan jaraqattar saldarynan oqıǵa ornynda kóz jumdy, al onyń jolaýshysyn aýrýhanaǵa jetkizdi.
«Atalǵan fakt sot aldyndaǵy isterdiń biryńǵaı reestrine tirkeldi. Tıisti saraptamalar taǵaıyndaldy. Sotqa deıingi tergeý amaldary júrgizilip jatyr», - dedi oblystyq ІІD baspasóz qyzmetiniń basshysy Baqytjan Qudııarov.
