Qaraǵandy oblysynda astyq jınaý naýqany bastaldy

QARAǴANDY. QazAqparat – Qaraǵandy oblysynda 936 myń ga alqapta astyq jınaý mindeti tur, keıbir sharýashylyqtar qazirdiń ózinde jumysyn bastady, al jappaı jınaý naýqany - qyrkúıek aıynda, dep habarlaıdy QazAqparat tilshisi.

Bul týraly Aýyl sharýashylyq basqarmasy basshysynyń m.a. Syrym Boshpanov onlaın rejıminde ótken apparattyq keńeste habarlady.

«Bıyl dándi daqyldardy jınaý alańy 935,9 myń ga quraıdy, onyń ishinde bıdaı – 757 myń ga, arpa – 159,7 myń ga, budan basqa, sharýashylyqtar 25,2 myń gektar alqapta maıly daqyldardy, kartop – 11,2 myń ga, as kók – 1619 ga jınaıdy. Búgingi tańda Abaı, Buqar jyraý, Jańaarqa jáne Shet aýdandarynyń jekelegen sharýashylyqtary egin jınaý jumystaryna kiristi. Astyqty jappaı jınaýdy 1 qyrkúıekten bastaý josparlanyp otyr», - dedi baıandamashy.

Óńirde astyq óndirisi ishki tutynýdy tolyǵymen qamtamasyz etip, eksporttyq áleýetti qalyptastyratyny atap ótildi.

Aldyn ala boljam boıynsha, dándi daqyldardyń ortasha ónimdiligi gektaryna 8–10 tsentnerdi quraıdy, kem degende 290 myń tonna kartop pen 55,6 myń tonna kókónis jınaý josparlanýda.

Egistikke 1 989 astyq jınaıtyn kombaın shyǵady, onyń ishinde 70 jańa mashına osy

jyly satyp alyndy. Budan basqa, 3 myńnan astam tehnıka jumyldyrylady.

Aýyl sharýashylyǵy taýaryn óndirýshilerge 17 myń tonna arzandatylǵan dızel otyny bólindi. Agrarlyq nesıe korporatsııasy arqyly egin jınaý jumystaryn júrgizýge jeńildetilgen nesıe beriledi.

Keńeste sondaı-aq malǵa jem daıyndaý barysy týraly baıandaldy. Búgingi tańda 81,7% nemese 2 mln tonnaǵa jýyq ónim jınaldy.

«Egin jınaý naýqany kúndelikti monıtorıngte. Jem-shóp daıyndaýdy ýaqytynda aıaqtap, egindi shyǵynsyz merziminde jınaý qajet», – dep atap ótti oblys ákimi Jeńis Qasymbek.