Qaraǵandy oblysynda áskerı-sporttyq oıyndardyń jeńimpazdary anyqtaldy
QARAǴANDY. QazAqparat – Qaraǵandy oblysynda bilim berý uıymdary men áskerı-sport klýbtary arasynda «Ulan» jáne «Alaý» áskerı-sporttyq oıyndary boıynsha onlaın-jarystar ótti. Jarysqa barlyǵy 126 adam qatysty, dep habarlaıdy QazAqparat tilshisi.
Oıyndar Uly Jeńistiń 76 jyldyǵyna, QR Táýelsizdiginiń 30 jyldyǵyna jáne Qazaqstan Qarýly Kúshteriniń qurylýynyń 29 jyldyǵyna arnaldy.
«Ulan» áskerı-sporttyq oıynynda Sátbaev qalasynyń №14 mektebi jeńimpaz atandy, ekinshi oryndy Shet aýdanynyń Burma mektebi ıelense, úshinshi oryn Abaı aýdanynyń №9 mektebine berildi.
«Alaý» oıynynda Shet aýdanynyń «Aqsaýyt» patrıottyq klýby jeńiske jetti, ekinshisi – Qaraǵandy qalasynyń №91 JOBBM jáne úshinshi – Abaı aýdanynyń №9 JBBM buıyrdy.
Úzdik komandalar «Saryarqa daryny» óńirlik balalarǵa arnalǵan qosymsha bilim berý ǵylymı-tájirıbelik ortalyǵynyń kýboktarymen, medaldarymen jáne gramotalarymen marapattaldy.
