Qaraǵandy oblysynda áskerı bólim sarbazy áıeldi tonap ketti
QARAǴANDY. QazAqparat - 6505 áskerı bóliminiń kelisimshart boıynsha áskerı qyzmetshisi, atqyshtar vzvodynyń sarbazy áıeldi tonaǵany úshin 2 jylǵa bas bostandyǵynan shekteldi, dep habarlady «QazAqparat» HAA tilshisi.
Qaraǵandy garnızonynyń áskerı sotynda habarlaǵandaı, 24 jastaǵy qatardaǵy sarbaz kóshede áıeldi tonap ketken.
Ol jábirlenýshi áıelge 91 myń 400 teńge shyǵyn ákelgen. Qylmys ornynan qashyp ketken sarbaz sómkedegi uıaly telefondy Qaraǵandydaǵy TsÝM-da satqan. Sómkeni qoqys jáshigine laqtyrǵan.
Polıtseıler ony ustady. Ury áskerı qyzmetshi bolǵandyqtan, qylmystyq is áskerı-tergeý basqarmasyna berildi.
«Sýdıa Esen Jumabekovtyń tóraǵalyq etýimen Qaraǵandy garnızonynyń áskerı soty jaza taǵaıyndaǵan kezde onyń jasy men qylmystyq jaýapkershilikke alǵash ret tartylyp otyrǵandyǵyn eskerdi. Alaıda áskerdiń antty buzýy jazany qatańdatatyn jaýapkershilikke jatady. Sot ony eki jylǵa sottady».
Sómkesinen aıyrylǵan balalar aýrýhanasynyń dárigeriniń paıdasyna sot 100 myń teńge moraldyq shyǵyndy óteýdi qaýly etti. Sondaı-aq sottalýshy 33 myń 900 teńge materıaldyq shyǵynnyń ótemaqysyn tóleýge mindetti.
