Qaraǵandy oblysynda arheologtar qola dáýiriniń buıymdaryn tapty
QARAǴANDY. QazAqparat - Qaraǵandy oblysynda arheologııalyq eskertkishterdi qazý kezinde qola dáýiriniń tarıhı buıymdary tabyldy, dep habarlaıdy QazAqparat tilshisi.
Qaraǵandy oblysynda Elbasynyń «Rýhanı jańǵyrý» baǵdarlamalyq maqalasynda kórsetilgen mindetter aıasynda Ortalyq Qazaqstannyń kóne metallýrgııasynyń eskertkishterinde arheologııalyq-zertteý jumystary júrgizildi.
«Arheologııalyq qazbalar barysynda kóne qonys oryndarynda qoladan jasalǵan jebeniń ushtary, tastan jasalǵan naıza ushtary, tas usaqtaǵyshtar, túıreýishter, keramıka qaldyqtary men qysh ydystar tabyldy»,- dedi Qaraǵandy oblystyq mádenıet, muraǵattar jáne qujattama basqarmasynyń basshysy Erkebulan Aǵymbaev.
Sondaı-aq, E. Aǵymbaev oblys boıynsha aldaǵy ýaqytta júrgiziletin zertteý jumystarymen bólisti.
«2018 jyly Qaraǵandy oblysynda arheologııalyq jumystar jalǵasyen tabady. Bıyl aýdandarda ornalasqan kóptegen kıeli jerderde ǵylymı-zertteý jumystaryn júrgizemiz. Mysaly, Aqtoǵaı aýdanyndaǵy Aınan, Ospan mazarlary, Ulytaý aýdanynda Jánibek pen Taldysaı qorymy zertteledi», - dedi basqarma basshysy.
