Qaraǵandy oblysynda «Árbir bala bilim alýǵa quqyly» atty áleýmettik aktsııa bastaldy
QARAǴANDY. 15 tamyz. QazAqparat /Olga Petrenko/ - Qaraǵandy oblysynda «Árbir bala bilim alýǵa quqyly» atty áleýmettik SMS-aktsııa júrgizilýde, dep habarlaıdy «KaR-Tel» JShS fılıalynyń (TM Beeline) baspasóz qyzmeti.
«Mektepke jol» respýblıkalyq is-sharasynyń aıasynda Qaraǵandy oblysynda oblystyq balalar quqyǵyn qorǵaý departamentiniń bastamasymen uıaly baılanys operatorynyń tehnıkalyq qoldaýymen Bilim kúni qarsańynda «Árbir bala bilim alýǵa quqyly» atty SMS-aktsııa ótýde», - delingen kompanııanyń baspasóz qyzmeti taratqan aqparatta.
Qaraǵandylyqtar balalarǵa orta bilim berý quqyǵy boıynsha uıaly baılanys arqyly konsýltatsııa ala alady. «Ol úshin 919 qysqa nómirine SMS-habarlama joldaý kerek. Balalardyń quqyǵyn buzýǵa qatysty máseleler, usynystar men habarlamalar balalar quqyǵyn qorǵaý departamentine beriledi. Habarlamalardyń jaýaptary memlekettik organnyń www.bala-zan.kz» saıtynda jarııalanady», - delingen habarlamada.
Búgin bastalǵan aktsııa 30 qyrkúıekke deıin jalǵasady.
