Qaraǵandy oblysynda apat saldarynan úsh adam qaza taýyp, taǵy úsheýi zardap shekti
QARAǴANDY. QazAqparat - Qaraǵandy oblysynda Almaty-Balqash tas jolynda eki kóliktiń soqtyǵysýy saldarynan on bir jastaǵy bala jáne eki eresek adam qaza tapty, dep habarlady «QazAqparat» HAA tilshisi.
20 maýsymda túngi saǵat 1.30-da Balqash-Almaty tas jolynda Gúlshat aýylynyń mańynda «Toıota Land krýzer» kóliginiń júrgizýshisi, aldyn ala derek boıynsha, qarsy jolaqqa shyǵyp ketip, júk kóligimen soqtyǵysqany anyqtaldy. Alǵan aýyr jaraqaty saldarynan úsh adam - júrgizýshi, jolaýshylar oryndyǵynda otyrǵan áıel men 11 jastaǵy jasóspirim oqıǵa ornynda kóz jumdy.
Úsh adam aýrýhanaǵa jetkizildi, olar 1978 jylǵy áıel, tórt jasar jáne toǵyz jasar jolaýshylar.
«Olardyń jaǵdaıy aýyr, qazir qajetti kómek kórsetilýde», - dep habarlady Prıozersk aýrýhanasynan.
Tergeý amaldary júrip jatyr.
