Qaraǵandy oblysynda ań aýlaýdyń kúzgi-qysqy maýsymy ashyldy
QARAǴANDY. QazAqparat - Birinshi qyrkúıekten bastap Qaraǵandy oblysynda ań aýlaýdyń kúzgi-qysqy maýsymy bastaldy, dep habarlaıdy óńir basshysynyń resmı saıty.
Jalpy ol aqpannyń ortasyna deıin jalǵasady, alaıda, belgili-bir janýarlar túrleri úshin merzimder ártúrli bolýy múmkin.
Maýsym resmı túrde ashylǵanyna qaramastan, ańshylarǵa burynǵydaı sáıkesinshe qujattar alý kerek: ańshy kýáligi, janýarlar álemin paıdalanýǵa arnalǵan ruqsattama, ańshylyq sharýashylyq sýbektisiniń joldamasy. Oq qarý qoldanylatyn ańshylyq barysynda jeke tulǵalarǵa azamattyq qarýdy jáne oq dárilerin saqtaýǵa jáne ustaýǵa, saqtaýǵa ruqsat qaǵazy. Al aqshy qustarmen ańǵa shyqqanda qustyń tólqujaty bolýy tıis.
Eger bul qujattar bolmasa, ańshylyqty brakonerlik dep tanylýy múmkin.
Aıta keter jaıt, túrli janýarlarǵa ańǵa shyǵý merzimderi elimizdegi erejelermen rettelgen.
