Qaraǵandy oblysynda alty jasar bala 4-qabattaǵy terezeden qulap ketti
QARAǴANDY. QazAqparat – Qaraǵandy oblysyndaǵy Sátbaev qalasynda alty jasar bala kópqabatty úıdiń terezesinen qulap ketti, dep habarlaıdy QazAqparat tilshisi.
23 shilde kúni Sátbaev qalasynda úlkenderdiń qaraýynsyz qalǵan 2013 jyly týǵan bala 4-qabatta ornalasqan páterdiń terezesinen qulap, aýrýhanaǵa jatqyzyldy.
Bıylǵy jyly bul Qaraǵandy oblysynda tirkelgen 11-inshi jaǵdaı.
Qaraǵandy oblysynyń TJD qyzmetkerleri balalardyń terezeler men balkondardan qulap ketýine jol bermeý úshin kelesi qaýipsizdik sharalaryn saqtaý qajet ekenin eske salady:
- kishkentaı balalardy qaraýsyz qaldyrmaý;
- bala terezege kótere almaıtyndaı jıhazdyń barlyq túrlerin terezeden ary qaraı jyljytý;
- eshqashan moskıt toryna senim artpańyz! Olar qulaýdan qorǵaýǵa arnalmaǵan;
- terezege balaǵa terezeni birneshe santımetrden artyq ashýǵa múmkindik bermeıtin arnaıy bekitkishter ornatyńyz;
- terezelerge nemese tereze oıyqtaryna torlar ornatyńyz;
- ashyq terezeniń janynda bolý qaýpi týraly balalarmen áńgime júrgizińiz;
- eger bekitkish qurylǵy nemese tor ornatý múmkindigi bolmasa, terezeniń tutqasyn alyp tastańyz da, ony qajet bolǵan jaǵdaıda ǵana paıdalanyńyz.
