Qaraǵandy oblysynda alty kún jáne jel stansasy salynady
QARAǴANDY. QazAqparat - Qaraǵandy oblysynyń birqatar qalalarynda kún jáne jel energııasymen jumys isteıtin alty stansasy iske qosylady, dep habarlady «QazAqparat» HAA tilshisi.
Qaraǵandy oblysynda jańartylǵan jáne balamaly energetıkany damytý strategııasy ázirlendi. Oblys ákiminiń orynbasary Anatolıı Shkarýpa habarlaǵandaı, oblystyq máslıhat sessııasynda alty stansa 2020 jylǵa deıin salynady.
Óńir ákimdiginiń baspasóz qyzmetiniń derekterine sáıkes Memleket basshysy jańartylǵan jáne balamaly energetıkany damytýdy strategııalyq mindetterdiń biri retinde belgiledi. 2020 jylǵa deıin balamaly energııa kózderin paıdalaný úlesi energııa tutynýdyń jalpy kóleminen úsh paıyzǵa asýy tıis.
«Alty stansanyń úsheýiniń kún qýaty 40-tan 100 Mvt bolady. Olar Saran, Aqtoǵaı, Shet aýdandaryna salynady. Sondaı-aq qýaty 10 jáne 60 MVt jel elektr stansasy Qarqaraly aýdanynda, Osakarovka kentinde salynady dep josparlanýda. Al Abaı aýdany Kýrmınskıı aýylynda bıogaz qondyrǵysynan energııa óndiredi», - dep habarlady Anatolıı Shkarýpa.
