Qaraǵandy oblysynda alıment tólemegen eki turǵyn sottaldy
«9 maýsymda Qaraǵandy oblysy kámeletke tolmaǵandar isteri jónindegi mamandandyrylǵan aýdanaralyq sotynyń úkimimen boryshkerler I. Ivanov pen P.Petrov (famılııalary ózgertilgen) Qylmystyq kodekstiń 139-babyna (alıment tóleýdan jaltarý) sáıkes kináli dep tanyldy. Úkim boıynsha boryshkerlerdiń 1 jylǵa bostandyǵy shektelip, taǵaıyndalǵan barlyq merzimge probatsııalyq baqylaý qoıylyp, jaza merzimi boıynda 100 saǵat májbúrlep eńbekke tartyldy. Úkimder zańdy kúshine endi.
Boryshkerlerdiń alıment boıynsha bereshek somalary 924 733 teńge jáne 1 653 260 teńge», delingen habarlamada.
Sottalǵan boryshkerler birneshe jyl boıy kámeletke tolmaǵan balalaryn asyraý úshin alıment boıynsha óz mindetterin oryndamaǵan.
Qaraǵandy oblysy jeke sot oryndaýshylary oryndaýynda 22 334 alıment óndirý atqarýshylyq is-júrgizý tirkelgen, onyń ishinde, 1 851-i problemaly.
«2021 jyldyń 1-shi jartyjyldyǵynda quqyq qorǵaý organdary alıment óndiristeri boıynsha 76 boryshkerge qatysty qylmystyq is qozǵap, onyń jeteýi bereshek somany tolyq tóleýine baılanysty aqtaldy.
Sonymen qatar, turaqty negizde alıment óndiristeri boıynsha boryshkerlerdi jumysqa ornalastyrý is-sharalary ótkizilip keledi, 2021 jyldyń 1-jartyjyldyǵynda 230 boryshker jumysqa ornalastyryldy.
Nátıjesinde, problemalyq alıment óndiristeriniń sany 12 paıyzǵa azaıdy», delingen Qaraǵandy oblysy Ádilet departamenti taratqan habarlamada.
