Qaraǵandy oblysynda alıment tólemegen boryshker qylmystyq jaýapkershilikke tartyldy

QARAǴANDY. QazAqparat - Qaraǵandy oblysynyń jeke sot oryndaýshylary Qaraǵandy oblysy Ádilet departamentiniń kómegi negizinde alıment boıynsha mindettemelerin oryndamaǵan boryshkerlerge qatysty qylmystyq jaýapkershilikke tartý sharalaryn júzege asyrýda, dep habarlaıdy QazAqparat óńir basshysynyń resmı saıtyna silteme jasap.

2021 jylǵy 8 aqpanda Qaraǵandy oblysy kámeletke tolmaǵandar isteri jónindegi mamandandyrylǵan aýdanaralyq sotynyń úkimimen boryshker A.T.Asanov (famılııasy ózgertilgen) Qazaqstan Respýblıkasy Qylmystyq Kodeksiniń 139 babyna sáıkes kináli dep tanylǵan.

Úkim boıynsha boryshkerdiń 1 jylǵa bostandyǵy shektelip, taǵaıyndalǵan barlyq merzimge probatsııalyq baqylaý qoıylyp, jaza merzimi boıynda 100 saǵat májbúrlep eńbekke tartylǵan. Atalǵan úkim 2021 jyldyń 23 aqpanynan bastap kúshine endi.

Boryshkerdiń alıment boıynsha bereshek somasy 3 250 021 teńgeni quraǵan.

Sottalǵan boryshker birneshe jyl boıy kámeletke tolmaǵan balalaryn asyraý úshin alıment boıynsha óz mindetterin oryndamaǵan.

Sonymen qatar, 2020 jyly Qylmystyq Kodekstiń 139 baby boıynsha 6 boryshker qylmystyq jaýapkershilikke tartylǵan.