Qaraǵandy oblysynda alıment ortalyǵy quryldy

QARAǴANDY. QazAqparat - Qaraǵandy oblysynyń Sátbaev qalasynyń prokýrorlary men sot oryndaýshylary alıment óndirip ala almaı júrgen azamattarǵa tegin kómek kórsetýdi bastady, dep habarlady «QazAqparat» HAA tilshisi.

«Balam» alıment ortalyǵy» quryldy. Onda talap qoıýshyǵa quqyqtyq kómek kórsetiledi jáne alıment óndirip alý týraly sot aktilerin oryndaýǵa baǵyttalǵan sharalar qabyldanady.

«Ortalyq Sátbaev qalasy prokýratýrasynyń bastamasymen «Alıment tólemeýge qarsy 30 qadam» atty Bas prokýratýranyń jobasyn iske asyrý aıasynda sot oryndaýshylarymen birlesken túrde qúryldy», - dep habarlady prokýratýranyń baspasóz qyzmetindegiler.

Ortalyq jeke sot oryndaýshysy keńsesinde jumys isteıdi. Ol alımenttik mindetteme boıynsha sheshimderdi oryndaýǵa járdemdesedi. Onda atqarýshy óndirister zerdelenip, naqty óndiris boıynsha ótkizilgen oryndaýshylyq is-qımyldardyń tolyqtyǵy tekseriledi. Boryshkermen jumys júrgiziledi.

«Ortalyq alıment óndirý týraly sot aktilerin oryndaý boıynsha problemalardy sheshý úshin ashyq alańǵa aınalmaq», - dedi prokýratýra baspasóz qyzmeti.