Qaraǵandy oblysynda alǵashqy kóshpeli dárihana jolǵa shyqty
QARAǴANDY. QazAqparat – Qaraǵandy oblysynyń Aqtoǵaı aýdanynda elimizdegi alǵashqy kóshpeli dárihana pýnkti jumys isteıdi. Aýyl turǵyndary onda arzandatylǵan baǵamen dári-dármek ala alady, dep habarlaıdy QazAqparat tilshisi.
Jyljymaly dárihana keste boıynsha jumys istep, ár eldi mekendi aralaıdy.
Aqtoǵaı aýdanynda bir ǵana statsıonarlyq dárihana bar. Ol ortalyq aýdandyq aýrýhanada ornalasqan. Eger buryn shalǵaı aýyl turǵyndaryna dári-dármek satyp alý úshin aýdan ortalyǵyna jol júrýge týra kelse, endi dárihana olarǵa ózi keledi.
Joba «Densaýlyq» memlekettik baǵdarlamasy aıasynda júzege asyrylýda.
