Qaraǵandy oblysynda alǵash ret elektrondy qylmystyq is qaraldy
QARAǴANDY. QazAqparat - Qaraǵandy oblysy «Elektrondy qylmystyq is» respýblıkalyq pılottyq jobany júzege asyrýǵa qosyldy, dep habarlaıdy óńir ákimdiginiń resmı saıty.
Alǵashqy elektrondy formattaǵy qylmystyq isti Jezqazǵan qalalyq soty qyzmet babyn paıdalana otyryp senip tapsyrylǵan bóten múlikti jymqyrý (QR QK 189-bap, 2-bólik, 3-tarmaq) memlekettik qyzmetkerge qatysty qarastyrdy. Qylmystyq istiń materıaldary boıynsha veterınarııa bóliminiń bas esepshisi ózine syıaqylar taǵaıyndap, memleketke 373 myń teńge kóleminde shyǵyn keltirgen.
Kinásin moıyndaǵany jáne shyǵyndy ótegenin eskerip, sot áıeldi qylmystyq jaýapkershilikten bosatqan.
«Qylmystyq sot isterin júrgizýge aqparattyq tehnologııalardy engizý onyń ashyqtyǵyna septigin tıgizedi. Tergeý jáne nátıjeler alý merzimi anaǵurlym qysqarady. Baǵdarlama sondaı-aq qylmystyq protsesti jeńildetedi jáne sapaly etedi, qaǵaz, qujat almasýǵa ketetin shyǵyndardy ońtaılandyrady», - dep atap ótti qalalyq sotta.
«Elektrondy qylmystyq is» jobasy protsestiń barlyq kezeńderin: qylmysty tirkeýden bastap, jazany atqarýǵa deıin qamtıdy.
