Qaraǵandy oblysynda agrónerkásip keshenin damytýǵa baǵyttalǵan 250 mln teńge jymqyrylǵan

NUR-SULTAN. QazAqparat – QR Qarjy mınıstrligi Qarjylyq monıtorıng agenttiginiń Qaraǵandy oblysy boıynsha aýmaqtyq departamenti Agroónerkásip keshenin damytýdyń 2017-2021 jyldarǵa arnalǵan memlekettik baǵdarlamasy boıynsha bólingen bıýdjet qarajatyn jymqyrý dereginiń jolyn kesti.

Tergeý málimetteri boıynsha, 2018-2020 jyldary Qaraǵandy oblysynyń jeke kásipkerleriniń biri óńirdiń 68 sharýa jáne fermerlik qojalyqtarynyń atynan kún sáýlesi panelderiniń (batareıalarynyń) jıyntyǵyn satyp alýdy ınvestıtsııalyq sýbsıdııalaýǵa ótinim bergen.

Bul rette, kásipker sharýa qojalyqtaryna kún sáýlesi batareıalarynyń árbir jıyntyǵy úshin 3,1 mıllıon teńge artyq qunmen satý týraly jalǵan sharttar jasasqan. ıAǵnı sýbsıdııa somasy jasandy túrde ósirilgen.

«Jeke kásipker negizsiz alǵan sýbsıdııalardyń jalpy somasy 253 mıllıon teńgeden asady. Qazirgi ýaqytta bekitilgen aıyptaý aktisimen qylmystyq is sotqa joldandy»,-delingen QR Qarjylyq monıtorıng agenttiginiń baspasóz qyzmeti taratqan aqparatta.