Qaraǵandy oblysynda adamdy órtegen kúdikti ustaldy
QARAǴANDY. QazAqparat - Qaraǵandy oblysynyń Temirtaý qalasynda adam órtegenin moıyndaǵan er adam ustaldy, dep habarlaıdy QazAqparat oblystyq ІІD baspasóz qyzmetine silteme jasap.
«Oblystyq ІІD basshylyǵynyń jiti qadaǵalaýymen polıtsııa qyzmetkerleri kúdiktini ustaýǵa barlyq sharalardy qoldandy. Jedel-izdestirý is-sharalary barysynda polıtsııa qyzmetkerleri 25 jastaǵy qala turǵynyn ustady. Ol zardap shegýshimen kıkiljiń kezinde ony jaraqattap, keıin qylmysyn jasyrý úshin denesin órtep jibergen», - delingen habarlamada.
Eske salaıyq, 20 mamyrda Temirtaý qalasynda órtenip ketken er adam máıiti tabyldy, osy iske qatysty QR QK 99-baby 1-bóligi «Adam óltirý» boıynsha sotqa deıingi tergeý bastalǵan bolatyn.
Qazirgi kúdikti ýaqytsha ustaý oqshaýlaǵyshyna qamaldy. Sáıkes saraptamalar taǵaıyndaldy. Tergeý júrip jatyr.
